ل رێکەفتی (٢٣/٢/٢٠٢١) سەنتەرێ گەشەپێدانا کاری CDC و ب هەماهەنگی دگەل رێکخراوا (WRO) به‌ریكانه‌كا زانستی و کەیفخوشی بو قوتابیێن زانکویا زاخو ژ فەکۆلتی و کولیژێن جیاواز ئەنجام دا. ل ژێر سەرپەرشتیا بەرێز دكتۆر (کاروان فهمی سامی) هاریکارێ سەروکێ زانکویێ بو کاروبارێن قوتابیان و ڕێڤەبەریا سەنتەرێ گەشەپێدانا کاری. هەروەسا ب ئامادەبونادكتۆر ماهر خالد علی ڕاگرێ فەکولتیا زانست و دكتۆر باسم سالم احمد هـ.ڕاگرێ فەکولتیا زانست به‌ریكانه‌ هاته‌ ئه‌نجامدان. 

مەرەم ژ ئەڤێ به‌ریكانێ بهێزکرنا پەیوەندیێن جڤاکی و پێکڤەژیان بوو دناڤبەرا قوتابیێن زانکۆیا زاخودا ژ هەمی ئاینا و هەروەسا بلندکرنا ئاستی زانستی و مورالا قوتابیێن زانکویا زاخو بوو. هەژی گوتنێ یە  ل دوماهیا به‌ریكانێ قوتابیێن بەژداربووی هاتنە خەلاتکرن ژلایێ رێکخراوا ناڤبری ڤە.